Click on Book Cover for Book Preview
978-93-49244-72-6
དེབ་གཟུགས། 5.5 X 8.5
ལོ་རྒྱུས་དེབ་ཕྲེང་། 105
དཔར་སྐྲུན་ལོ། 2026 [JA(A)/2026/24]
དཔར་གྲངས། 500 [AF#3188/VE]
ཤོག་གྲངས། 564
Rs.780
ཆུང་ཚེ་རིང་དང་། བསོད་ནམས་རྡོ་རྗེས་བརྩམས།
༄༅། །དཔེ་དེབ་འདི་ནི། བོད་ནས་བཙན་བྱོལ་དུ་སླེབས་པའི་གཞོན་ནུ་གཉིས་ཀྱིས་བོད་རྒྱའི་དབར་གྲོས་མཐུན་དོན་ཚན་བཅུ་བདུན་ཇི་ལྟར་བཞག་པའི་བརྒྱུད་རིམ་ཞིབ་གླེང་བྱས་པ་ཙམ་མ་ཡིན་པར། གྲོས་མཐུན་དེ་མ་བཞག་གོང་གི་བོད་རྒྱའི་འབྲེལ་ལམ་དང་། བཞག་ཟིན་རྗེས་ཀྱི་འགྱུར་ལྡོག །མཐར་གྲོས་མཐུན་དེ་རྩིས་མེད་ཇི་ལྟར་ཕྱིན་ཚུལ་རྣམས་སྐབས་དུས་དེ་རང་གི་བོད་རྒྱ་དབྱིན་གསུམ་གྱི་དཔྱད་གཞི་འབོར་ཆེན་གཞི་ལ་བཞག་སྟེ་དཔྱད་གླེང་བྱས་ཡོད་པས། ཕྱི་ལོ་ ༢༠༠༡ ལོར་པར་ཐེངས་དང་པོ་དཔེ་སྐྲུན་བྱེད་སྐབས་དཔེ་དེབ་བསྐྱར་ཞིབ་པས། སྐབས་དེ་དུས་བཙན་བྱོལ་ནང་ཐོན་པའི་སྲིད་དོན་དཔྱད་ཞིབ་ཡག་ཤོས་ཏེ་“དཔྱད་རྩོམ་གྱི་རྒྱལ་པོ་”ཡིན་པའི་གདེང་འཇོག་ཐོབ།
དེ་རྗེས་འདས་པའི་ལོ་ངོ་ ༢༥ རིང་རྩོམ་པ་པོ་ཟུང་གིས་བརྗོད་གཞི་འདི་དང་འབྲེལ་བའིི་དཔྱད་གཞི་འཚོལ་བསྡུ་དང་རྒྱུན་མཐུད་དུ་ཉམས་ཞིབ་བྱས་ཏེ་གལ་ཆེའི་དོན་གནད་དེ་བས་མང་བ་དང་ཞིབ་ཚགས་པ་ཁ་སྣོན་གྱིས་དེབ་འདིའི་ནང་བཀོད་ཡོད། དེའི་ཁོངས་ཡིག་རིགས་ཁ་ཤས་ནི་ད་ཕན་སྤྱི་ཚོགས་ནང་པར་སྐྲུན་བྱས་པ་ཐེངས་དང་པོ་ཆགས་ཡོད་ལ། བརྗོད་གཞི་འདིའི་ཐད་ཀྱི་དཔྱད་རྩོམ་རྒྱས་ཤོས་དེ་ཡང་ཆགས་ཡོད།། །།
Comments
Post a Comment