Click on Book Cover for Book Preview
978-93-49244-86-3
དེབ་གཟུགས། 6.25 X 9.5
ལོ་རྒྱུས་དེབ་ཕྲེང་། 107
དཔར་སྐྲུན་ལོ། 2026 [JA(A)/2026/20]
དཔར་གྲངས། 300 [LF/VE]
ཤོག་གྲངས། 506
Rs.990
གཉགས་ཚེ་དབང་ལྷུན་གྲུབ།
༄༅། །གངས་ལྗོངས་སྐྱེས་མའི་གནས་བབ་ཞིབ་འཇུག་ཅེས་པའི་དེབ་འདིར། “བུད་མེད་” ཅེས་པའི་ཐ་སྙད་ཀྱི་གོ་དོན་ལྟ་ཚུལ་དང་སྦྲགས། གདོད་མའི་དུས་ནས་ཉེ་རབས་བར་བོད་ཀྱི་ལོ་རྒྱུས་ཐོག་གི་སྐྱེས་མའི་གནས་བབ་ཇི་ལྟར་བྱུང་ཚུལ་དང་། ཆོས་ལུགས་ཀྱི་འཇིག་རྟེན་ལྟ་ཚུལ་ལས་བུད་མེད་ལ་སྐྱོན་གྱི་རང་བཞིན་དུ་ཇི་ལྟར་བལྟས་མིན་མ་བལྟོས་པར། དོན་དངོས་ལག་ལེན་ཐོག་འཇིག་རྟེན་གྱི་ཕྱོགས་ལས་ཆོས་ཕྱོགས་སུ་བུད་མེད་ཀྱི་གནས་བབ་བཟང་བ་བྱུང་ཡོད་པར་མ་ཟད། ལོ་རྒྱུས་ཐོག་རྒྱ་དཀར་ནག་གིས་མཚོན་ཡུལ་གྲུ་གཞན་གྱི་བུད་མེད་ཀྱི་གནས་བབ་དང་བསྡུར་ན། བོད་ཀྱི་བུད་མེད་ཀྱི་གནས་བབ་ལེགས་པ་བྱུང་ཡོད་པ་དང་། དེའི་རྩ་བའང་ཆོས་ལུགས་ཀྱི་བྱམས་སྙིང་རྗེའི་ལྟ་གྲུབ་ལ་ཐུག་ཚུལ། བོད་ཀྱི་ལོ་རྒྱུས་ཐོག་གི་གྲགས་ཅན་བུད་མེད་ངོ་སྤྲོད་དང་བུད་མེད་ཀྱི་སྐུ་ཕྲེང་རིམ་བྱོན། ད་ལྟ་བོད་གཞིས་བྱེས་གཉིས་སུ་བུད་མེད་ཀྱི་གནས་བབ་གང་འདྲ་ཡོད་མེད་སྤྱི་དང་། ལྷག་པར་བཙན་བྱོལ་དུ་བུད་མེད་ཀྱི་གནས་བབ་ཚད་མཐོར་སོན་པའི་སྐོར། བུད་མེད་ཀྱི་སྤྱི་ཚོགས་ཀྱི་ནུས་པ་ངོ་སྤྲོད་ཐོག་ཨ་མའི་གལ་ཆེའི་རང་བཞིན་བརྗོད་ནས། འབྱུང་འགྱུར་བོད་མི་རིགས་དང་། རིག་གཞུང་། སྐད་ཡིག་སོགས་སྲ་བརྟན་ཐུབ་སླད་རིགས་མཐུན་གཉེན་སྒྲིག་གི་གལ་གནད་དང་། སྤུས་ཚད་ལྡན་པའི་མི་འབོར་འཕེལ་རྒྱས་གཏོང་དགོས་པའི་སྐུལ་མའང་ཞུས་ཡོད་དོ། །
Comments
Post a Comment