Click on Book Cover for Book Preview
978-93-49244-46-7
དེབ་གཟུགས། 4.25 X 5.25
རྒྱུན་འཁྱེར་དེབ་ཕྲེང་། 2
དཔར་སྐྲུན་ལོ། JA(A)/2025/35
དཔར་གྲངས། 5000 (AF/Sahra/312700)
ཤོག་གྲངས། 136
Rs.180
ཕྱག་དཔེ་ «འགྲོ་བ་མིའི་ངོས་ནས་འཛམ་གླིང་ཞི་བདེ་སྐྲུན་ཐབས།» ཞེས་པ་འདིའི་ནང་དོན་སྙིང་པོའི་མདོར་བསྡུས་གཤམ་གསལ་ལྟར་ཡིན།
- དེབ་ཀྱི་འབྱུང་ཁུངས་དང་དམིགས་ཡུལ། དེབ་ཆུང་འདི་ནི་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ལོ་ངོ་བཞི་བཅུའི་གོང་དུ་བཀའ་རྩོམ་གནང་བ་ཞིག་ཡིན་ཞིང༌། ད་ལམ་༸གོང་ས་མཆོག་དགུང་གྲངས་དགུ་བཅུར་ཕེབས་པའི་སྐུའི་གོ་སྟོན་སྲུང་བརྩིའི་སླད་བོད་ཀྱི་དཔེ་མཛོད་ཁང་ནས་དཔར་སྐྲུན་ཞུས། དེབ་འདིའི་ནང་འགྲོ་བ་མིའི་ལྟ་སྟངས་དང་བཟང་སྤྱོད་ལ་བརྟེན་ནས་འཛམ་གླིང་ཞི་བདེ་སྐྲུན་ཐབས་སྐོར་གླེང་ཡོད།
- མིའི་བསམ་བློའི་འཁྱེར་སོ་ལས་དཀའ་ངལ་སེལ་ཚུལ། དེང་དུས་ཚན་རིག་དང་འཕྲུལ་ལས་ཕྱི་དངོས་པོའི་ཡར་རྒྱས་ཕྱིན་ཡོད་ཀྱང་། ནང་སེམས་ཀྱི་ཞི་བདེ་དང་མིའི་བཟང་སྤྱོད་མ་འདང་བའི་རྐྱེན་གྱིས་འཇིགས་སྐྲག་དང་སྡུག་བསྔལ་མུ་མཐུད་ནས་ལྷག་ཡོད། ལྷག་པར་དུ་རྡུལ་ཕྲན་མཚོན་ཆའི་ཉེན་ཁ་ཆེ་བས་མཚོན་ཆ་ཡོངས་རྫོགས་མེད་པར་བཟོ་རྒྱུའི་འབོད་སྐུལ་གནང་ཡོད།
- འཛམ་གླིང་ཞི་བདེའི་རྩ་བ་སྙིང་རྗེ། སྐྱེ་འགྲོ་ཐམས་ཅད་བདེ་བ་འདོད་པ་དང་སྡུག་བསྔལ་མི་འདོད་པ་གཅིག་མཚུངས་ཡིན། རང་དོན་ཁོ་ན་གཉེར་བའི་བསམ་བློ་སྤངས་ཏེ། དགྲ་བོའི་ཕྱོགས་ལའང་སྐྱེ་ཐུབ་པའི་ཀུན་ཁྱབ་བྱམས་པ་དང་སྙིང་རྗེ་རྒྱུད་ལ་སྐྱེད་རྒྱུ་ནི་འཛམ་གླིང་ཞི་བདེའི་རྩ་བ་གལ་ཆེ་ཤོས་དེ་ཡིན།
- ཆོས་ལུགས་ཁག་གི་དམིགས་ཡུལ། འཛམ་གླིང་གི་ཆོས་ལུགས་ཆེ་ཁག་ཚང་མས་བྱམས་པ་དང་སྙིང་རྗེ། རང་ཁེ་བློས་གཏོང་དགོས་པའི་སློབ་གསོ་གཅིག་མཚུངས་སུ་སྒྲོག་གི་ཡོད། ལྟ་གྲུབ་ཀྱི་ཁྱད་པར་ཆུང་ཙག་ཐོག་རྩོད་པ་མི་རྒྱག་པར་འགྲོ་བ་མིའི་བདེ་ཐབས་དང་ཞི་བདེའི་ཆེད་མཉམ་རུབ་ཐོག་ཞབས་འདེགས་སྒྲུབ་དགོས།
- གང་ཟག་སྒེར་གྱི་འགན་འཁུར། ད་ཆ་འཛམ་གླིང་འདི་ཕན་ཚུན་གཅིག་ལ་གཅིག་བརྟེན་གྱི་གོ་ལའི་གྲོང་གསེབ་ཅིག་ཏུ་གྱུར་ཡོད་པས། རྒྱལ་ཁབ་དང་མི་རིགས་ཀྱི་ས་མཚམས་ལས་བརྒལ་ཏེ་འཛམ་གླིང་ཡོངས་ལ་འཁྲི་བའི་འགན་འཁུར་གྱི་ཚོར་བ་དགོས། སྲིད་དོན་པས་ཀྱང་བཟང་སྤྱོད་བརྟན་པོ་བཟུང་ནས་ལས་ཀ་བྱེད་དགོས།
- ལོ་ངོ་བཞི་བཅུའི་རྗེས་ཀྱི་ཁ་སྐོང་། ༸གོང་ས་མཆོག་གིས་ལོ་ངོ་བཞི་བཅུའི་རྗེས་སུ་འཛམ་གླིང་གི་འགྱུར་ལྡོག་ལ་གཟིགས་ཏེ་ཁ་སྐོང་མཇུག་བྱང་ཞིག་བཀའ་རྩོམ་གནང་ཡོད། དེའི་ནང་དུས་རབས་ ༢༡ འདི་དམག་འཁྲུག་གི་དུས་རབས་མ་ཡིན་པར་གྲོས་མོལ་གྱི་དུས་རབས་ཤིག་བཟོ་དགོས་པ་དང༌། འགྲོ་བ་མིའི་རིགས་གཅིག་གྱུར་གྱི་འདུ་ཤེས། ཆོས་ལུགས་མཛའ་འབྲེལ། བོད་ཀྱི་རིག་གཞུང་སྲུང་སྐྱོབ། དེ་བཞིན་སློབ་གྲྭའི་ནང་ཕྱིའི་འཕྲོད་བསྟེན་བཞིན་ནང་སེམས་ཀྱི་ཞི་བདེ་དང་སེམས་ཁམས་བདེ་ཐང་སྐོར་གྱི་ཤེས་ཡོན་སྤྲོད་དགོས་པའི་ནན་བཤད་གནང་ཡོད།
Comments
Post a Comment