ཆོས་ལུགས་ཀྱི་མཚམས་ལས་འདས་པ།


Click on Cover to Preview Book Sample
978-93-83441-01-3
དེབ་གཟུགས། 5.5 X 8.5
སྣ་ཚོགས་དེབ་ཕྲེང་། 22
དཔར་སྐྲུན་ལོ། [2024, 2018,2014,2013] JA(A)/2024/52 
དཔར་གྲངས། 500 (LF#/Sahra/69030)
ཤོག་གྲངས། 304
Rs.390

༄༅། །སྔོན་ཆད་བྱུང་མྱོང་མེད་པའི་གལ་ཆེའི་བྱུང་བ་ཞིག་ནི། མི་རྣམས་ཀྱིས་དགའ་དད་སྤྲོ་གསུམ་གྱིས་སྤྱི་བོའི་གཙུག་ཏུ་བཀུར་ནས་ཡི་རང་ཚད་མེད་ཞུ་སའི་འཛམ་གླིང་ནང་གི་ཆོས་ཀྱི་དབུ་ཁྲིད་གཅིག་གིས། དམིགས་བསལ་ཆོས་ལུགས་ལ་མ་ལྟོས་པར་བཟང་སྤྱོད་དང་། བདེ་སྐྱིད། སེམས་དོན་བཅས་དང་མཐུན་པའི་མི་ཚེ་སྐྱེལ་བའི་ཐབས་ལམ་གསལ་སྟོན་གནང་ཞིང་། འགྲོ་བ་མིའི་རིན་ཐང་གཙོ་བོ་དེ་རྒྱུད་ལ་སྐྱེ་ཆེད་བློ་སྦྱོང་གི་གནད་འགག་ངོ་སྤྲོད་མཛད་ཡོད།

ལོ་ངོ་བཅུའི་སྔོན། བྲིན་ཁ་རྒྱུག་ཤོས་ཆགས་པའི་སྟོང་ལོ་གསར་པའི་བཟང་སྤྱོད་ཅེས་པའི་དཔེ་དེབ་དེའི་ནང་། ༸གོང་ས་༸སྐྱབས་མགོན་༸ཏཱ་ལའི་བླ་མ་མཆོག་གིས་ཐོག་མར་ཆོས་ལུགས་ཀྱི་རྩ་འཛིན་ལས་ལྡོག་སྟེ། ཡོངས་ཁྱབ་ཀྱི་རྩ་དོན་ཐོག་གཞི་བཞག་ནས་བཟང་སྤྱོད་ལ་འཇུག་པའི་ཐབས་ལམ་ཞིག་ལམ་སྟོན་མཛད་ཡོད། ད་ཆ་ཆོས་ལུགས་ཀྱི་མཚམས་ལས་འདས་པའི་འཇིག་རྟེན་སྤྱི་སྨན་གྱི་བཟང་སྤྱོད་ཅེས་པའི་དཔེ་དེབ་འདིའི་ནང་། ༸གོང་ས་མཆོག་ནས་ཐུགས་སྙིང་རྗེ་ཆེན་པོས་དམིགས་བསལ་ཆོས་ལུགས་ལ་མ་བརྟེན་པའི་ཐབས་ལམ་ཐད་གང་གི་དགོངས་པ་རྒྱས་བཤད་དང་གཏིང་ཟབ་པོར་འགྲེལ་བརྗོད་གནང་ཡོད།

གོ་རྟོགས་དང་ཕན་ཚུན་གཉིས་མོས་ཀྱི་གུས་བརྩིའི་ཐོག་གཞི་བཞག་སྟེ་བཟང་སྤྱོད་དང་བདེ་སྐྱིད་ལྡན་པའི་གོ་ལ་ཡོངས་ཀྱི་མིའི་སྤྱི་ཚོགས་སུ་འཁྲིད་བྱེད་མགོན་པོ་གང་གིས་གསུང་བཞིན་པའི་ལམ་གསུམ་པ་ཞེས་པའི་ཐོག་ནས་གཡོ་འགུལ་ཐེབས་པའི་འབོད་སྐུལ་མཛད། ཆོས་ལུགས་ཀྱི་མཚམས་ལས་འདས་པའི་འཇིག་རྟེན་སྤྱི་སྨན་གྱི་བཟང་སྤྱོད་ཅེས་པའི་དཔེ་དེབ་འདི་བཞིན་༸གོང་ས་མཆོག་གི་གསུང་བཤད་གལ་འགངས་ཆེན་པོ་ཞིག་ཡིན་ཞིང་། ཆོས་ལུགས་ཀྱི་སྲོལ་རྒྱུན་ཐོག་ནས་ངོས་འཛིན་བྱ་རྒྱུར་འདམ་ག་མི་བྱེད་མཁན་རྣམས་ལ་འཆར་གཞི་ཞིག་ཡིན་པ་མ་ཟད། ཞི་བདེ་དང་ལྡན་པའི་འཛམ་གླིང་ཞིག་སྐྲུན་པར་འབད་བརྩོན་བསྟེན་པ་དང་ནང་བསམ་བློའི་ཐོག་ནས་འདོད་པ་ཁེངས་ངེས་ཀྱི་མི་ཚེ་ཞིག་ཡོང་བར་ལམ་སྟོན་མཛད་ཡོད།།

Comments

Comments

Post a Comment